Tuss og Troll jula 2017

I «Den uventa julegåva» møter vi Kari på Sørigarden og Ola på Nordigarden. Gardane er små og livet er hardt. To unge ugifte folk som aldri hadde snakka saman på grunn av gammal uvennskap. Kvifor det var uvennskap, hugsa ingen lenger. Tekst av Gard Espeland og teikna av Håkon Aasnes.

«Jenta frå havet» er fritt fortalt av Oddbjørn Heinum, etter «Andværsskarven» av Jonas Lie. Arvid Ytreland har teikna eventyret.

I «Huldrebryllaupet» gjer ein tørr og varm sommar at folk er redde for vinteren. Det blir knapt med mat for både folk og fe. Folk i bygda bestemmer seg for at det er best at kyrne og dei to budeiene blir verande på setra gjennom vinteren. Eit stygt uhell gjer at berre den eine budeien blir verande… Tekst av Gard Espeland og teikna av Håkon Aasnes.

Du får også med eventyra frå Tuss og Troll 1967 med i juleheftet.

Nana Rise-Lynum