Mammut
Mammuten er ein nordleg slektning av den indiske elefanten. Han var
hårete og stor, og han var godt tilpassa kalde strok, med ein eigen
klaff over rumpeholet så det ikkje skulle fryse. Kult!
Bjørn
Vår bjørn var større enn dei som levde lenger sør, fordi han måtte tole
kulde. Han hadde større overflate og kunne produsere meir varme enn
mindre bjørnar. Berre tenk på dei store isbjørnane.
Løve
Dei store løvene, som levde den gong, heiter holeløve. Løver her oppe i
nord? Ja, mykje tyder på at det levde holeløver så langt nord som hos
oss.
Nashorn
Ullhåra nashorn er eit stort og hårete dyr med eit skikkeleg horn midt
på nasen. Desse dyra har ein funne restar etter. Til dømes levde mange
av dei i Sibir, og det er ein eigen art som heiter sibirsk nashorn. Dei
var like store som mammutar.
Moskus
Vi har på nytt moskus her i landet. Er du heldig, kan du sjå dei på
Dovre. Men hald deg langt unna. Dei er ikkje vennlege mot inntrengarar
på deira område. Og dei er svært raske til beins, sjølv om dei ser store
og tunge ut. Ikkje la deg lure.
Bison
Bison-kveget heldt på å bli heilt utrydda av amerikanarane, som tenkte
at om dei drap alt bison-kveget, ville indianarane også bli borte. Dei
skaut bison frå tog som køyrde over prærien, og først då det berre var
omtrent 100 dyr att, blei den meiningslause drepinga stansa.
Ulv
Den typiske ulven er ein amerikansk art og vart størst der. Dei fleste
artar er alltid størst der dei opphavleg kjem ifrå.
Sabeltanntiger
Desse høyrer saman med andre sabelkattar. Alle er utdøydde, men alle
hadde store hjørnetenner. Desse hoggtennene var lange og kraftige, forma
som nettopp sablar.
Kva dyr frå megafauna har vi funne restar av?
Isen har skrapa bort det meste av restar etter desse dyra. Det er
vanskeleg å vite kva slags dyr som faktisk levde her, men likevel veit
vi ein god del. Det er alltid fleire planteetarar enn rovdyr. Dersom det
var flest rovdyr, ville det fort bli problem. Berre tenk etter.
Frå Norsk Barneblad nummer 7/8 august 2020
Har vi megafauna i dag?
Her i landet har vi moskus, elg og hjort. I verda har vi elefant,
isbjørn, sjiraff, kjempepanda, nashorn, bison, gorilla, blåkval og mange
andre.
Teikning: Mauricio Anton/ Science Photo Library